Министерот за правда со остра реакција до Милошоски: „Кусурот на Груевски“ зборува по нарачка
Министерот за правда, Игор Филков, жестоко одговори на критиките што Антонијо Милошоски ги изнесе во емисијата „Топ тема“ на Телма. Во својата реакција, Филков го нарече Милошоски „кусурот на Груевски“ и го обвини за ширање дезинформации и политички спинови.
„Изгледа дека работи по туѓи наредби. За кого одработува во моментов?“, прашува Филков, истакнувајќи дека токму Милошоски бил дел од системот што денес се обидува да го критикува.
Филков ја искористи реакцијата и за да ја информира јавноста за напредокот на клучните закони од реформската агенда, вклучувајќи го новиот Кривичен законик, измените во Законот за судови, јавни обвинители, судски буџет, изборен законик, и други важни документи кои се во напредна фаза на подготовка или на пат до усвојување.
Со список од над 15 законски решенија, Филков порачува дека вистинската промена во правосудството е веќе започната, а критиките на Милошоски ги нарече обид за дефокус и политички театар.
