МИНИМАЛНА ПЛАТА ВО ЗАГРЕБ Е 1.300 ЕВРА: Еве во кој сектор лежат парите

Просечната месечна исплатена нето-плата по вработен во правни лица во градот Загреб за септември годинава изнесува 1.322 евра, што е номинално намалување од еден процент во однос на август и зголемување за 12,9 отсто во однос на септември 2022 година, покажуваат податоците на Градот Загреб, канцеларија за економија, еколошка одржливост и стратешко планирање

Споредено со просечната месечна плата за септември на ниво на Хрватска која изнесува 1.156 евра, просечната загрепска исплатена нето-плата за тој месец била за 166 евра поголема.

Највисока просечна месечна нето-плата кај правните лица за септември е исплатена во екстракција на сурова нафта и природен гас, во износ од 2.157 евра.

Најниска плата е исплатена во производството на кожа и сродни производи, во износ од 722 евра.

Просечната нето плата за септември изнесува 1.128 евра, што значи дека половина од вработените имале помалку, а половина повеќе од таа сума.

Просечната месечна бруто-плата по вработен во правните лица во градот Загреб за септември изнесува 1.879 евра, што е намалување за 1,3 отсто во однос на август, но зголемување за 16 отсто во однос на септември 2022 година.