МИНИМАЛНА ПЛАТА ОД 600 ЕВРА, ПРОСЕЧНА ПЕНЗИЈА ОД 500 ЕВРА: Ова го ветува Ковачевски за следните четири години
Првиот човек на СДСМ, Димитар Ковачевски вети дека просечната плата за четири години ќе биде 1.100 евра, минималната 600 евра, а просечната пензија 500 евра.
Кажа дека програмата се темели на четири основни столба: човечки капитал, продуктивност, иновативност и конкурентност.
„Проектираме просечна стапка на раст на економијата од 5,1 отсто во наредните четири години и ќе го оствариме тоа, изјави претседателот на СДСМ Димитар Ковачевски во своето воведно обраќање по повод промоција на Програма за европска иднина и кандидати за пратеници на избори 2024 година“, вели Ковачевски.
Македонија има најниски плати од државите од поранешна Југославија.
