МИНИМАЛНА КОШНИЧКА: Aко сте под кирија, ќе ви требаат 21.324 денари повеќе
Има поскапување кај минималната кошничка. Трошоците за основни потреби на четиричлено семејство чинат 56.522 денари.
Kaко што објави Сојузот на синдикати на Македонија (ССМ), според пресметката на професорите и поранешни министри за финансии кои ја изработија новата синдикална минимална кошница, Никола Поповски и Драган Тевдовски, за основните потреби на семејство од двајца родители и две деца кои се ученици потребни се 56.522 денари.
Структурата на кошницата, која не е променета од 2011 година, сега има четири нови ставки, односно вкупно 11. Потешко им е на семејствата кои плаќаат кирија, бидејќи нивната синдикална кошница е поскапа 21.324 денари поради трошоците за станарина, вода, струја и греење.
Синдикалната минимална кошница за октомври изнесувала 46.198 денари.
Синдикалната минимална кошничка за месец септември изнесувала 48.379 денари.
Во однос на август таа беше намалена за 966 денари. Се смета дека тоа е поради гарантираните цени на производите.
foto freepik.com/EugenePetrunin
