Милена Стевановиќ сведочеше во суд и рече дека не знае колкав е процентот на починати од Ковид во земјава
Поранешната директорка на Клиниката за инфективни и фебрилни состојби, Милена Стевановиќ беше на денешното рочиште против Клиника Жан Митрев, и како сведок на обвинителството кажа дека не знае колку лица починале од Ковид во Македонија, пишува Нетпресс.
Таа истакна дека нема официјална статистика за нејзината Клиника, односно дека уште ја чека, додека ни на државно ниво не знае колкав е процентот на починати од Ковид.
Не и е познато ни колкав е процентот на смртност на Клиниката Жан Митрев.
Како што пишува порталот, на директно прашање од Митрев поставено до неа, тој направи споредба дека на државно ниво смртноста е 51,6%, а на неговата Клиника 25%, додека пак Стевановиќ потврди дека некои методи меѓу кои и хемофилтрацијата се употребувале за бенефит на пациентите.
Екс директорката на Инфективна исто така не знае ни кои методи и како се користеле во лекувањето на ковид пациенти, додека пак за дел од нив и воопшто не се сеќава. Адвокатот на обвинетиот ја потсети дека дала изјава дека имала сугестии дека на лекот „Ивермектин“ треба да му се даде шанса, но Агенцијата за храна и лекови (ФДА) на САД кажала дека е лек за коњи и магариња и не треба воопшто да се дава на луѓе заболени од Ковид-19 вирусот.
Во однос на примената на хемофилтрацијата како метод за лекување на ковид пациенти, таа вели дека како член на Комисијата за заразни болести прочитала повеќе трудови иако не знаеше да даде бројка колку трудови има прочитано коишто се поврзани со хемофилтрацијата, вели дека има такви коишто даваат позитивно мислење за овој метод, до тој степен што и навистина вродиле со плод хемофилтрациите кај одреден број пациенти. Поранешната директорка не знаеше да каже од кога е одобрена методата и во кои случаи може да се применува.
Објасни дека една метода е рутинска кога се применува кај сите пациенти но одбегна да одговори на прашањето на одбраната дали ако хемофилтрација е применувана на 30% од пациентите дали таа метода е рутинска или не, исто од претходниот одговор беше јасно дека не е рутинска кога не се применува кај сите.
Извор: Нетпресс
