Милановиќ бара уште неколку земји да го признаат: Престанете да повторувате дека Косово е Србија
Престанете да повторувате дека Косово е Србија, изјави хрватскиот претседател Зоран Милановиќ.
Вели дека Србија мора да прифати дека Косово е независно.
„Србија мора да разбере и прифати дека Косово е независно. За жал, тоа не е прифатено од неколку други членки на Европската унија“, рече Милановиќ.
Тој додаде дека на самитот на НАТО лани, по руската инвазија на Украина, тој бил единствениот кој повикал европските земји, кои уште не го направиле тоа, да го признаат Косово.
„Но, тоа е како да зборуваш со ѕид. Некои земји не го признаа тоа затоа што се плашат од преседани кои евентуално, во некој кризен момент, во одредено опаѓање на имунитетот, може да се применат во нивните земји и да им се одземе нешто“, рече Милановиќ.
Кипар, Грција, Романија, Словачка и Шпанија засега не го признале Косово.
Неколку десетици војници на КФОР се повредени вчера попладне во судир со српски демонстранти во општина Звечан на Косово.
Српските демонстранти, меѓу кои има и неколку десетици повредени, се спротивставија на доаѓањето на албанските градоначалници во општините со мнозинско српско население по изборите. Србите ги бојкотираа изборите. Тие бараат формирање Заедница на српски општини и косовските специјалци да се повлечат од северно Косово.
ЕУ и САД ги предупредија косовските власти дека ова што го прават не е в ред.
Српскиот тенисер Новак Ѓоковиќ славеше во првото коло против Александар Ковачевиќ, па напиша порака „Косово е Србија“ на камерата. Тоа предизвика бурни реакции.
foto faceboook/Zoran Milanovic
