Милан Ристовски и Спартак Трнава вторпат по ред го освоија Купот на Словачка

01/05/2023

Македонскиот репрезентативен центарфор Милан Ристовски со својата Спартак Трнава го одбрани пехарот во Купот на Словачка, откако денеска во големото финале славеа со 3-1 по продолженија против Слован Братислава.

Ристовски играше од 72-та минута кога го замени Коша, а четири минути пред крајот на регуларниот дел Спартак се избори за продолженија со гол на Таиво, за потоа во второто продолжение со два гола да дојде до победата. Паур даде гол во 111-та минута, а Тварџик во 120+4-та од пенал да ја запечати победата.

Спартак Трнава и лани го освои Купот на Словачка со победа против Слован по продолженија, а тогаш триумфираше со 2-1.

Постариот брат на Милан, Стефан Ристовски вчера се круниса со Динамо Загреб за старо-нов првак на Хрватска.