МИГРАНТИТЕ ЌЕ СТИГНАТ ВО АЛБАНИЈА: Дали ќе смеат да излегуваат од кампот?
Албанскиот премиер Еди Рама вели дека мигрантите нема да смеат да излезат од кампот во Ѓадр. Тие нема да можат да се шетаат низ Албанија.
Мигрантите кои деновиве треба да пристигнат во камповите во Албанија, врз основа на договорот потпишан од премиерите на Албанија и Италија, Еди Рама и Џорџa Мелони, нема да имаат можност да го напуштат кампот.
„Судбината на нивната иднина ќе треба да ја чекаат само внатре во сместувачките капацитети во кампот во Ѓадр“, изјави Рама во интервју за италијанскиот дневен весник „Ла Република“.
Вели дека што ќе се случува внатре во кампот, одговорноста е само на официјален Рим.
Во кампот во Ѓадр ќе можат да престојуваат до 3.000 мигранти месечно или 36.000 годишно. Трошоците се на италијанската Влада, која за пет години ќе ја чинат најмалку 670 милиони евра.
