МИЦОТАКИС ЌЕ ГИ ВРАЌА МЛАДИТЕ ГРЦИ НА СЕЛО: Може ли ова да вроди со плод?
Грција со стимулации ќе ги враќа младите на село.
Грчката влада подготвува пакет стимулации за враќање на младите во руралните средини.
„Новата програма има за цел да ги насочи младите Грци во селата во пограничните области, а исто така и да ги врати младите специјалисти од странство“, најави премиерот Кирјакос Мицотакис.
Тој во интервјуто за локалниот весник „Та Хоријатика“, изјави дека владата истражува дали економските стимулации можат да ги охрабрат младите да се вратат на село.
Владата ќе нуди стимулации за почнување семеен бизнис – помало оданочување, финансирање за почеток на компанијата, истражување за можностите за развој на земјоделска дејност во дадена област и уште поевтина струја.
Во населените села, претежно во пограничните области, нема млади луѓе за поддршка на земјоделството. Едно истражување покажа дека младите би почнале агробизниси доколку им се даде финансиска помош и добри услови за живот.
