МИЦКОСКИ ЗА СОЦИЈАЛНАТА ПОМОШ: Некои корисници примале до 60.000 денари, некои се починати, некои долго се отсутни од државата

Премиерот Христијан Мицкоски денеска најави две реформи во сферата на социјалната заштита.

Првата ќе биде изготвување софтверско решение кое јасно ќе детектира кои корисници на социјална помош го злоупотребуваат системот, а втората е издавање платежна картичка со која 50 отсто од сумата приматели на социјална помош ќе ја користат за купување македонски производи.  Вели дека досега се евидентирани голем број злоупотреби. Некои лица примале социјална помош и до 60.000 денари месечно.

„Некои корисници примале помош до 60.000 денари, некои се починати, некои долго се отсутни од државата. Има големи злоупотреби во центрите и од службеници. Дел се веќе и санкционирани, против дел се покренати кривични постапки“, рече Мицкоски. 

Објасни дека на софверското решение се работи со Светска банка. 

фото Фејсбук/Христијан Мицкоски