Мицкоски: Сомнително е зошто нема производство на евтина струја во Осломеј и Битола, туку таа се произведува во ТЕЦ Неготино на мазут

Минатата година на АД ЕСМ поранешно ЕЛЕМ државата префрли повеќе од двесте милиони евра за тековното работење. Кога јас бев директор на АД ЕЛЕМ оставив милијарда и пол денари депозити во банките и околу триста и шеесет милиони на сметката на тогашното АД ЕЛЕМ и нула долгови со редовно исплатени плати, K-15, ремонти итн., изјави претседателот на ВМРО-ДПМНЕ Христијан Мицкоски одговарајќи на новинарско прашање при денешната посета на Општина Свети Николе.

Тој додаде дека пет години потоа државата на АД ЕСМ поранешно ЕЛЕМ му плаќа двесте милиони евра за да може да работи.

-Сомнително е денеска зошто не се произведува евтина струја во Осломеј и Битола туку се произведува во ТЕЦ Неготино на мазут, кој е најмалку за три пати поскапа цената произведена од таа што би се произведувала евентуално во Битола. Зошто блоковите во Осломеј и Битола се на 40,50,60 отсто од инсталираниот капацитет, а во Неготино се троши мазут кој се плаќа 3,4,5 пати повисока цена, изјави Мицкоски.

Прашан за изборот на надзор за делниците за коридорите 8 и 10, Мицкоски истакна на власта и е важен кој ќе биде надзор, за да може да потпишува што ќе му кажат тие, а не реално што се случува на терен, односно како што рече, да може да си наддаваат количини кои потоа ќе ги плаќаат граѓаните.

– Дваесет и два милиони евра е тендерот за супервизија, за надзор на проектите поврзани со коридор 8 и 10а којшто го добива Конзорциум од една фирма во која што е и шпанската Ептиса. Би сакал да потенцирам како се случило. Владата во ноември 2020 година носи заклучок во кој им дава насока на општините и државните институции да не потпишуваат договори надзор за проекти поголеми од еден милион евра со шпанската компанија „Ептиса” поради неетичко, незаконско однесување, рече Мицкоски.

Тој посочи дека во 2021 година во ноември, четири месеци по поминувањето на специјалниот закон во парламентот, Министерството за транспорт и врски ја надсинхронизира Владата и му дава позитивна референца на овој правен субјект кој потоа со изменет ревизорски извештај го добива тендерот.

– Да потоа се објави тендер за надзор на ЈП за државни патишта каде што е кадар на ДУИ и седум дена пред истекот на рокот за поднесување на пријави ја менуваат суштински тендерската документација. Односно претходно ревизорскиот извештај го менуваат делот кој треба да биде позитивен и останува само да биде ревизорски извештај и останува рокот од седум дена. И избран е Конзорциумот во кој дел е шпанската Ептиса, потенцира Мицкоски.

Лидерот на ВМРО-ДПМНЕ нагласи дека вкупниот договор е во вредност од 22 милиони евра затоа што проектите кои се предвидени да бидат дел од коридорот 8 и 10а, бидејќи нема проект, таму ќе се плаќа врз основа на затекната ситуација на терен и зависи колку ќе прифати надзорот.