Мицкоски се сретна со Орбан: Зајакнување на економската соработка и развојот на енергетската инфраструктура
На својот фејсбук профил, премиерот Христијан Мицкоски објави дека во рамки на самитот остварил средба со премиерот на Унгарија, Виктор Орбан.
Во текот на состанокот, двајцата премиери разговарале за клучни прашања од заемен интерес, со посебен фокус на зајакнување на економската соработка, потенцијалот за нови инвестиции, како и развојот на енергетската инфраструктура.
Мицкоски исто така нагласил дека било разговарано и за европската перспектива на Македонија, со цел да се продолжи напредокот во европските интеграции.
