Мицкоски остро за членовите на Судски совет: Ќе ви се случи народ, ве разрешуваат а вие се инатите!
Претседателот на Владата, Христијан Мицкоски вечерва во интервју за Канал5 телевизија истакна дека ќе им се случи народ на членовите на Судски совет на кои им беше изгласана интерпелација, но не сакаат да се повлечат од своите функции.
Како што вели, народот е гладен и жеден за правда.
„Ќе им се случи народ, народ ќе им се случи, ќе излезе народ на улица и ќе протестира. Народот е гладен и жеден за правда, такви се законите ние не можеме сега друг тип на закони да цртаме или да пишуваме, тоа е за жал така е“, вели Мицкоски.
Тој додава дека токму затоа истите имале таква доверба осврнувајќи се на тоа дека граѓаните во судството имаат 2% доверба.
„Замислете, имате кај граѓаните доверба под 2%, 3%, 5% или 8% не е важно, ве разрешуваат и вие не си заминувате, водите инает, па ќе им се случи народ. Нема играње со такви работи, прв ќе бидам кој ќе го води народот“, порача Мицкоски.
