Мицкоски: Нема да се повлечеме од преговорите со ЕУ

Владата нема да се откаже од европскиот пат. Во врска со предметот на Уставен оформен по иницијативата за укинување на вториот протокол, оттаму велат дека ќе чекаат одлука.

„Апсолутно ние никогаш нема да се повлечеме од преговорите со ЕУ, тоа не е цел на оваа Влада, напротив наша цел е да бидеме дел од ЕУ. Околу поднесокот на поранешната пратеничка Поповска таа треба да ви даде одговор, да почекаме Уставниот суд да донесе конечна одлука поврзана со таа иницијатива“, изјави денеска премиерот Мицкоски.

Уставниот суд завчера информира дека е формиран предмет во кој е оспорен Протоколот од вториот состанок на Заедничката меѓувладина комисија со Бугарија донесен на 17.07.2022 година во Софија, за кој во тек е претходна постапка во која се испитуваат податоците и известувањата потребни за донесување на одлука.