Мицкоски: Или никој нема да работи во недела или за двојна дневница
Премиерот Христијан Мицкоски, како одговор на пратеничко прашање упатено од пратеникот Горан Мисовски, на собраниската говорница рече дека недела ќе биде повторно работен ден но за двојно поголема дневница, доколку работникот сака да работи тогаш.
– И сега е недела работен ден, но за одредени економски оператори.И сега има одредени економски оператори кои работатво недела. Или никој да не работи, вклучително и тие,или тие што сакаат да работат, да добијат двојна дневница со согласност на работниците. Тука не гледаме ништо лошо.Три пати месечно мериме јавно мислење. 75 проценти од граѓаните се за тоа тие што сакаат да работат во недела, да работат за двојна дневница.
Дали ќе дојде до законски интервенции ќе зависи од следниот состанок на Економско-социјалниот совет. Ова не го наметнуваме, сме го разговарале и со синдикатите и со работодавачите. Не е разговарано во тесен круг. Нема да направиме ништо на сила, но генерлано се две решенија – или никој да не работи или ако некој плати двојна дневница или договори друго со синдикатите, да може да работи. Има производни процеси кои не трпат импровизации, рече Мицкоски во Собранието.
Премиерот додаде дека денешните модерни европски производни процеси не трпат ограничувања со неделе нареботен ден.
