МИЦКОСКИ: Договорена е каматна стапка од 1,95 отсто, до три години грејс период и до 15 години рок на отплата за компаниите

Ќе имаме инвестициски бран од 300 милиони евра- историски договор, со историски најниска каматна стапка, вели премиерот Христијан Мицкоски. Ова се однесува за парите од унгарскиот кредит. 

„Имаме потврда од неколку банки, очекувам најголем дел од банките да застанат позади овој проект, односно овие 250 милиони евра конечно од понеделник да бидат поделени до оние на кои им е потребно, односно македонското стопанство. Договорена е каматна стапка од 1,95 отсто, до три години грејс период и до 15 години рок на отплата во зависност од потребите на компаниите“, вели Мицкоски. 

Кажа дека ова е историски договор, со историски најниска каматна стапка. 

„Условите се минимум 20 отсто  да има сопствено учество, што значи дека ќе имаме инвестициски бран од 300 милиони евра. Ќе имаат можност сите оние компании кои што ќе ги вложат овие средства во основни средства за работа, но и оние кои ќе вложат во обновливи извори на енергија, но и оние кои ќе вложат во објекти кои ќе ги користат како административни објекти, за сопствена потреба“, додаде Мицкоски.

Премиерот претходно најави дека ќе соопшти добра вест за македонското стопанство. Унгарскиот кредит треба да им помогне на македонските компании. 

фото принтскрин