МЕТЕО АЛАРМ: Предупредување за дожд, снег и силен ветер во западните делови од Македонија
Според најавата на УХМР, денес попладне и вечерва западните делови на земјата ќе бидат зафатени од врнежи од дожд во пониските места, додека на планините ќе паѓа снег. Очекувајте умерен до засилен југозападен ветер, со брзина која може да надмине 60 километри на час.
Во текот на ноќта, пристигнувањето на постудена воздушна маса и засилен северен ветер ќе предизвика врнежите да преминуваат во снег, не само на планините, туку и на некои од пониските места. На планините ќе се формира значителна снежна покривка, а помала снежна покривка се очекува и на повисоките подрачја.
Граѓаните се повикуваат на внимателност, особено при патување во западните делови, поради можните тешки услови на патиштата.
Дежурен синоптичар: Ивана Петровиќ.
