Мертенс со луд волеј од преку 20 метри му донесе победа на Галатасарај! (ВИДЕО)

Галатасарај беше голем фаворит во овој двомеч, но турскиот тим вечерва победи само со 1-0, а во Литванија беше нерешено 2-2.

Клучниот момент се случи во 31. минута кога на Мертенс му легна еден волеј и на мајсторски начин погоди, гол кој се покажа како решавачки.

Дури на три меча вечерва се играа продолженија, а на два од нив решаваа пеналите.

Сервет иако од третата минута играше со фудбалер помалку поради црвен картон, се избори за реми на гостувањето кај Генк, а потоа на пенали дојде до победата.

Преку пеналите славеше и Клаквик од Фарските Острово кој беше подобар од Хакен.

Продолженија, но не и пенали се играше на мечот меѓу Макаби Хаифа и Шериф. Израелците погодија со 4-1.

Молде со 2-0 го совлада Хелсинки и оди понатаму, ФК Копенхаген во меч со дури девет гола беше подобар од Бреидаблик од Исланд со 6-3.

Претходно место во следното квалификациско коло од ЛШ обезбедија Динамо Загреб кој уште еднаш ја совлада Астана, овојпат со 2-0. Како и Раков од Полска кој ја задржа предноста од првиот меч, на реваншот кај Карабаг беше 1-1.