„МЕРЦЕДЕС“ ПОЧНА ДА ГРАДИ ФАБРИКА ВО РОМАНИЈА – ќе вложи 135 милиони евра во производство на електромотори
Компанијата „Мерцедес-Бенц“ започна со изградба на фабрика за производство на мотори за електрични возила во Романија, вредна 135 милиони евра.
Фабриката ќе се гради во Себеш во централна Романија, а треба да биде завршена до 2024 година, пренесува „Романија инсајдер“.
Во него локалните подружници „Mercedes-Benz“, „Star Assembly“ и „Star Transmission“ ќе произведуваат електромотори за нова линија на автомобили со електрични батерии.
Како што се наведува, „Мерцедес груп“ веќе има инвестирано речиси 600 милиони евра во производствени капацитети, особено во фабриката за менувачи во Себеш.
Осумстепени автоматски менувачи со двојна спојка, како и деветстепени менувачи за „Mercedes-Benz“ се составени во „Star Assembly“, а „Daimler Group“ преку двете подружници во Романија, „Star Transmission Cugir“ и „ Star Assembly Sebes“. има повеќе од 3.000 вработени.
