МЕПСО има најмногу вработени по километар далновод во регионот и е најпривлечна за вработување на роднини на политичката елита

Државната МЕПСО со 605 вработени е рекордер во регионот ако се пресметува по километар далновод. Вработувањата постојано се зголемуваат, а компанијата образложува дека тоа се должи на работите на мрежата и дека потребни се повеќе високостручен кадар, кој пат тешко се наоѓа на македонскиот пазар.

Македонскиот оператор има 27 вработени на 100 километри мрежа, во Хрватска 16, Босна и Херцеговина 19, а Србија 2,5 пати помалку од Македонија, односно 12.

Согласно лиценцата издадена од Регулаторната комисија за енерегетика, во МЕПСО е основата подружница „Оператор на преносна мрежа“ и претставува најголема целина по обем на работа и број на вработени.

„Подружницата се грижи за оперативноста и функционалноста на 2.250 километри делководи со 7.000 столбови на напонско ниво од 35 до 400 киловати. Се грижат за 57 трафостаници“, стои во објаснувањето на МЕПСО.

На годишно ниво, за сите вработени во МЕПСО се издвојуваат 7,6 милиони евра, што е намалување за 1% споредено со 2021 година. Вредноста велат дека зависи од бранувањето на бројот на вработени, просечната месечна плата и квалификациската структура.

„На крајот од 2022 година, бројот на вработени во МЕПСО изнесува 605 лица, а месечната плата по вработен изнесуваше 61.177 денари, а за 2022 година месечната бруто плата по вработен е во пораст и изнесува 62.004 денари“, се вели во Годишниот финански извештај на МЕПСО.

МЕПСО лани за трошоци на вработените потрошила 700.000 евра и во оваа сума се опфатени трошоците за вработените за семинари и тековни обуки во земјата и странство во висина од 125.000 евра, К-15 во висина од 350.000 евра, јубилејните награди во висина од 60.000 евра, трошоците за отпремнина на вработени кои заминале во пензија околу 80.000 евра, трошокот за помош на вработени од 50.000 еврра и надоместокот за новороденче од 4.500 евра.

Во 2007 година МЕПСО имал 411 вработени, во 2014 имал 479, потоа во 2017 година стигнал до 540 вработени, а сега се 605, што за 15 години е зголемување од 30 отсто.

Оваа државна компанија е и најатрактивна за вработување на роднини на функционери, посебно по секоја промена на власта. Последни звучни вработувања беа синот на поранешниот премиер од СДСМ, Владо Бучковски, ќерката на Невзат Бејта од ДУИ кој беше градоначалник на Гостивар и сестрата на Крешник Бектеши, актуелен министер за економија.

Овие вработувања беа спорни и за Државната комсија за спречување на корупцијата, но од МЕПСО објаснија дека сите тројца се примени на јавен оглас затоа што ги исполниле критериумите.

Од средината на месец септември МЕПСО доби нов директор. Зуди Енузи Кока дојде на функцијата откако претходно беше шеф на кабинет на сега разрешениот Информациите велат дека оваа промена на директорското место во МЕПСО е резултат на внатрепартиска расправија. Инаку, Зуди Енузи Кока директоруваше и во Јавното претпријатие Комунална Хигиена а беше разрешен од страна на градоначалничката на Град Скопје Данела Арсовска. Овој отказ следуваше по вооружениот инцидентот на неговиот брат Цуфи Кока на Плоштадот Скендер Бег, во кој со пиштол во рацете беше регистриран од медиумите на протестот против францускиот предлог.директор Сурија Рашиди.

О.К