Мемоарите на рускиот опозициски лидер Алексеј Навални ќе бидат објавени во октомври
Мемоарите на рускиот опозициски лидер Алексеј Навални, кој почина во затвор во Русија на почетокот на годинава, ќе бидат објавени на 22 октомври, објави денеска издавачката куќа „Кнопф“.
Според извештаите, мемоарите со наслов „Патриот“, во кои Навални пишувал за својот живот и политичко дело, ќе бидат објавени во тираж од половина милион примероци, пишува „Њујорк тајмс“. Неговата вдовица, Јулија Навални, рече дека книгата го претставува „последниот знак на пркос“ што може да ги поколеба следбениците на рускиот опозициски лидер.
„Оваа книга е сведоштво, не само за животот на Алексеј, туку и за неговата непоколеблива посветеност во борбата против диктатурата – борба за која тој даде сè, вклучително и својот живот“, рече Навалња.
Таа додаде дека читателите ќе запознаат „човек со длабок интегритет и непопустлива храброст“. Американскиот весник пишува дека опозиционерот сам ги напишал мемоарите, а Навални сега работи со издавачот на уредување и финализирање на ракописот. Навални почна да работи на мемоарите во 2020 година, откако го преживеа речиси фаталното труење со нервен агенс за кое западното разузнавање го обвини Кремљ.
Книгата ја опфаќа неговата младост, неговиот подем како политички активист, неговиот брак и семејство, неговата политичка кариера како лидер на опозицијата и обидите за атентат и нападите врз неговите блиски, се вели во соопштението за печатот од издавачката куќа.
Рускиот опозиционер и остар критичар на Кремљ, Алексеј Навални, почина во руски затвор на 16 февруари. Навални одлежа 30-годишна затворска казна, меѓу другото, за, како што се наведува во една од пресудите на рускиот суд, основање и финансирање на екстремистичка организација и нејзините активности.
