Мексико се плаши од уцената на Трамп: Русија нуди помош
Русија е подготвена да го снабдува Мексико со течен природен гас и да споделува технологија за енергетскиот сектор, изјави министерот за енергетика Сергеј Цивилев на бизнис форум во Санкт Петербург.
„Имаме одлична технологија за течен гас и сме подготвени да ја споделиме, но и да испорачаме течен гас во Мексико“, рече Цивилјев.
Мексиканската државна нафтена компанија „Петролеос Мексиканос“ (Пемекс) и канцеларијата на мексиканската претседателка Клаудија Шајнбаум не одговорија веднаш на барањето на „Ројтерс“ да коментираат за руската понуда, објави „Индекс“.
Мексико задоволува 72 проценти од своите потреби за гас преку увоз, речиси исклучиво од Соединетите Американски Држави. Најчесто се снабдува преку цевководи и се користи за производство на електрична енергија и за индустриски потреби.
foto EPA-EFE/ORESTIS PANAGIOTOU
/faktor.mk
