Мексико го повика Блинкен САД повторно да ги отворат сите гранични премини
Мексико го повика државниот секретар во посета на САД, Ентони Блинкен, американските власти повторно да ги отворат сите гранични премини меѓу двете земји, рече мексиканската министерка за надворешни работи Алисија Барсена. Наспроти ова, Вашингтон бара помош за спречување на „илегалната миграција“, објави Ројтерс.
„Отворањето на граничните премини е главен приоритет за Мексико“, изјави Барсена за новинарите. „Зборуваме за економскиот дел, но и за структурните причини за миграција.
Администрацијата на претседателот Џо Бајден бара помош од мексиканскиот претседател Андрес Мануел Лопез Обрадор за намалување на миграциските текови и справување со рекордниот број луѓе кои се обидуваат да стигнат до границите на САД, што е клучно прашање во пресрет на претседателските избори во САД во ноември следната година.
Само оваа година, повеќе од половина милион луѓе ги поминаа опасните џунгли на Истмус од Дариен на границата меѓу Јужна и Централна Америка – двојно повеќе во споредба со минатогодишниот рекорд. Многумина од нив бегаат од сиромаштијата, криминалот и конфликтите во нивните матични земји, а нивната цел е да стигнат до САД.
На почетокот на овој месец, американските царински службеници привремено затворија два од главните железнички премини долж границата на пет дена, а другите ги затворија на неодредено време за да ги прераспоредат службениците од нив за да ги чуваат другите критични точки долж границата каде што има големи миграциски текови.
Лопез Обрадор, кој минатата недела ги увери САД дека Мексико ќе помогне да се намали притисокот на мигрантите, го повика американскиот Конгрес да инвестира повеќе во сиромашните луѓе во Латинска Америка и Карибите „наместо да гради бариери и бодликава жица во реката и да размислува за изградба ѕидови“.
„Покорисно и похумано е да се инвестира во развојот на луѓето, а тоа е она што секогаш го предлагавме“, рече мексиканскиот претседател на прес-конференција.
Тој изрази очекување дека прашањето за миграцијата ќе стане водечко прашање во поглед на изборите во САД следната година.
Лопез Обрадор во главниот град на Мексико се сретна и со делегацијата предводена од Блинкен, во која беше и американскиот секретар за домашна безбедност Алехандро Мајоркас.
„Соработката меѓу Соединетите Американски Држави и Мексико е клучна за просперитетот и безбедноста на нашите земји и на Америка во целина. Добро е што ние (со претседателот Лопез Обрадор) разговараме за овие прашања, но и за нашите заеднички напори за намалување на незаконските миграција“, рече Блинкен на социјалните мрежи.
