Меѓународниот суд на правдата на ОН одлучува за случајот со урнатиот авион во Донбас
Меѓународниот суд на правдата на ОН подоцна денеска ќе донесе одлука за обвинувањата на Украина против Русија за поддршка на тероризмот и етничката дискриминација. Случајот е поднесен пред руската инвазија на Украина во 2022 година.
Во него Киев ја обвинува Русија дека им помага на вооружените групи кои го соборија малезискиот Боинг во Украина во 2014 година.
Обвинувањата вклучуваат и обид на Русија да ги избрише татарската и украинската култура од полуостровот Крим, по неговата окупација пред десет години. Русија ги отфрла обвинувањата за систематско кршење на човековите права на украинските територии што ги окупира.
Пресудите на Меѓународниот суд на правдата на ОН се конечни и не можат да се обжалат, но судот нема алатки за нивно извршување.
