Меџити за пукањето во тетовската болница: Лични нерасчистени проблеми!
Министерот за здравство Фатмир Меџити денеска во изјава за медиумите рече дека вчерашното пукање пред болницата во Тетово била поради лични нерачистени проблеми меѓу инволвираните лица.
Според него, тоа нема никаква врска со болницата.
„Според информациите од директорот на болицата во Тетово, едниот е во потешка состојба, а другиот во полесна состојба. Тие се на Карил, на одделот за анестезија и реанимација. Останатото ќе го расчистат МВР и Обвинителството. Овој случај нема никаква поврзаност со здравството или со Болницата“, изјави Меџити.
Вчера околу 18 часот и 5 минути во СВР Тетово беше пријавено дека пред влезот на Ургентниот центар во тетовската Клиничка болница било пукано во две лица од тетовското село Гајре, кои се здобиле со прострелни рани.
