Мбапе се аклиматизира и почна да ги брка рекордите на Роналдо

Осум гола на исто толку натпревари во 2025 најавуваат негов атак на Златната копачка, но во исто време напад на рекордите кои во Реал ги оствари Кристијано Роналдо. Во својата прва сезона во Реал (09/10), Португалецот постигна 33 гола што е рекорд за еден дебитант во историјата на мадридскиот тим, а Мбапе во моментов е на бројката од 22 гола во сите натпреварувања.

Со оглед на тоа што сезоната е на половина, Французинот има доволно време да го достигне, па и престигне Роналдо. За другите рекорди ќе треба добро да се помачи, особено за четирите титули во Лигата на шампионите кои ги освои португалскиот ас.