Маслинко: Штета за шансата – се надевам дека ќе успееме за следното ЕП!
Иако Македонија влезе добро во натпреварот и замина на полувремето со минимално водство, цврстата одбрана на домаќинот и недостатокот на разновидност во играта пресудија во второто полувреме, што резултираше со пораз од 19 поени разлика. По натпреварот, на прес-конференцијата се обрати и репрезентативецот Андреј Маслинко, кој одигра одличен меч со 15 поени и седум скока.
„Го започнавме натпреварот добро и ја контролиравме играта во првото полувреме. За жал, во продолжението работите се сменија и доживеавме тежок пораз. Штета што не успеавме да избориме пласман, но се надевам дека следниот пат ќе успееме“, изјави Маслинко.
Македонија ќе ги затвори квалификациите в понеделник со дуел против Полска во СРЦ „Кале“, но без шанси за учество на Евробаскетот.
