МАСК ГО ОБЈАВИ ИМЕТО НА НОВИОТ ИЗВРШЕН ДИРЕКТОР НА ТВИТЕР – На кормилото седнува жена
Возбуден што ќе ја пречекам Линда Јакарино како нов извршен директор на Твитер, напиша Илон Маск на Твитер.
Милијардерот Илон Маск објави дека поранешниот извршен директор за рекламирање во NBCUniversal Линда Јакарино ќе го наследи на функцијата извршен директор на Twitter.
„Возбуден сум што можам да ја пречекам Линда Јакарино како нов извршен директор на Твитер“, напиша Маск на Твитер.
Маск рече дека Јакарино првенствено ќе се фокусира на деловните активности, додека ќе работи на дизајн на производи и нова технологија, пренесува „Ал Џезеира.рс“.
I am excited to welcome Linda Yaccarino as the new CEO of Twitter!@LindaYacc will focus primarily on business operations, while I focus on product design & new technology.
Looking forward to working with Linda to transform this platform into X, the everything app. https://t.co/TiSJtTWuky
— Elon Musk (@elonmusk) May 12, 2023
„Со нетрпение очекувам да работам со Линда за да ја трансформираме оваа платформа во X, апликација за секого“, додаде тој.
Маск, актуелниот извршен директор и сопственик на Твитер, доцна во четвртокот објави дека вработил нов извршен директор на Твитер кој ќе го преземе управувањето за шест недели.
Тој, исто така, рече дека ќе остане активно вклучен во компанијата како главен директор за технологија и ќе се справува со системските операции.
Претходно во петокот, Јакарино поднесе оставка како глобален шеф за рекламирање во NBCUniversal. Стана дел од овој мултинационален конгломерат за масовни медиуми и забава со седиште во Соединетите држави во 2011 година.
BREAKING: Moments ago Elon Musk officially announced Linda Yaccarino as the new CEO of Twitter.
– First, I want to congratulate her on the new position. I sincerely hope that everyone, on both sides of the aisle, give her a fair chance to really push Twitter forward.
— Brian Krassenstein (@krassenstein) May 12, 2023
Маск во февруари најави дека би можел да назначи нов извршен директор на Твитер до крајот на 2023 година.
Американскиот милијардер е и извршен директор на производителот на електрични автомобили Тесла и компанијата SpaceX за производство на вселенски летала, фрлачи и сателитски комуникации.
Маск го купи Твитер за 44 милијарди долари во октомври минатата година.
