Марш за женски права: „Нека јадат ружи!“ во знак на борбата за еднаквост

Со извикување „Жени, живот, слобода“ пред Универзалната сала во Скопје започна Маршот за женски права, организиран од Платформата за родова еднаквост по повод 8 Март – Меѓународниот ден на жената. Оваа година, маршот се одржува под слоганот „Нека јадат ружи!“.

Организаторите повикаа на масовен женски марш и солидарен бојкот, нагласувајќи дека 8 Март не е ден за симболични гестови и празни фрази, туку за феминистичка борба за слобода, солидарност и автономија. Тие истакнаа дека економската, политичката и општествената рамноправност на жените мора да остане приоритет.

Маршот ќе заврши во паркот „Жена борец“, каде ќе бидат упатени пораки до јавноста и институциите.