Марковски од куќен оди во затворски притвор – судот ја прифати жалбата на ОЈО Битола!
Предлогот на Основното јавно обвинителство Битола е прифатен од Кривичниот совет на Основниот суд во Битола и на осомничениот сопственик на правното лице му е определена мерка притвор.
Со ова е уважена жалбата и аргументите изнесени од битолското обвинителство, особено во поглед на ризикот од бегство на осомничениот, и е преиначена одлуката на судијата на претходна постапка.
ОЈО Битола се уште не е известено за одлуката по поднесената жалба на мерката куќен притвор за осомничениот раководител во РЕК.
Одлуката следува откако обвинителство поднесе жалба на одлуката на Судот, со која двајца од осумте осомничени во истрагата за злоупотреби со јавни набавки во РЕК „Битола“ добија куќен притвор.
Тие побараа мерка затворски притвор, наведувајќи ризик од бегство, особено бидејќи еден од осомничените – бизнисменот Борче Марковски, поседува имот во странство.
