Марко Кизиќ е херој на Пелистер, го спаси од пораз од Агуаш Санташ!
Младиот голман го спаси Пелистер од пораз и го сочува ремито 27-27 како конечен резултат на мечот со Агуаш Санташ во Битола. Уште поважно, донесе бод со кој македонскиот вицепрвак пружи нога кон осминафиналниот вагон во ова натпреварување.
Изедначениот натпревар со неколку резултатски бранувања се сведе на напад на „пелистерци“во 60. минута, со можност да поведе, но не се снајдоа пред растрчаните Португалци, па останаа 30 секунди за гостите. Овие ја доведоа акцијата до шуто во последната секунда, за Марко Кизиќ да се истакне и да го сочува образот на Пелистер.
Тоа беше осма интервенција за Кизиќ, кој е главнот фактор не само во последната акција туку и во цело второ полувреме, што Пелистер држеше резултатски приклучок. И покрај водството во првото полувреме, со максимални три разлика (10-7 во 15. минута), второто почна само со 14-13 за македонскиот претставник, а наскоро и тоа водство го снема.
Кризата во нападот дојде до израз некаде по 45. минута, кога Пелистер чекаше на гол, речиси, цели пет минути. Во тој период Агуаш Санаш направи серија од 3-0 и го сврте резултатот со 21-20 во своја корист. Дојде до максимални 25-22 во 53. минута, а во меѓувреме Кизиќ одбрани неколку зицери. Сепак и на спротивната страна Магаљаеш блескаше, поткрепен од активна, многу агресивна одбрана на Агуаш Санташ. Таа конечно потклекна кога Пелистер ја возврати серијата од три гола и изедначи на 25-25, а потоа следуваше драматичниот финиш.
Со ова реми, Пелистер дојде на шест бода во групата Д, на четвратта позиција, два повеќе од петтопласираниот вечерашен противник. Последен е Мотор со три бода, па за битолчани да го сочуваат четвртото место, кое носи во осминафиналето, ќе треба да победат на еден од преостанатите два меча, идната недела на гости кај Фуксе Берлин или, поверојатно, за две недели, дома со Мотор. Вечерва, покрај Кизиќ се истакна и капитенот Мирко Радовиќ, со пет гола, а прв стрелец беше Да Силва Оливеира кај Агуаш Санташ , со седум.
