МАРКЕТ ВИЖН: Мицкоски и ВМРО-ДПМНЕ во сериозно водство пред останатите партии

Последната анкета на агенцијата Маркет вижн во споредба со претходните покажува дека расте бројот на граѓаните кои би излегле да гласаат на наредните избори.

Податоците од анкетата направена од 8 до 15 декември покажуваат дека се зголемува поддршката на ВМРО-ДПМНЕ и на нејзиниот лидер Христијан Мицкоски и падот на владеачката СДСМ.

Меѓу испитаниците почна да се појавува и новата политичка партија ЗНАМ и нејзиниот претседател Максим Димитриевски.

Според Маркет вижн на прашањето „во кој лидер на политичка партија имате најголема доверба“, 12,95 отсто од испитаниците го кажале името на претседателот на ВМРО-ДПМНЕ, Христијан Мицкоски,6,65 отсто од нив го избрале Али Ахмети, лидерот на ДУИ, во актуелниот премиер и претседател на СДСМ Димитар Ковачевски доверба имаат 4,25 отсто од учесниците во анкетата, потоа следуваат претседателот на Левица, Димитар Апасиев, со 3,5 %, првиот човек на новофоримарниот Знам, Максим Димитриевски се појави на листата на со поддршка од 2,10 % од испитаниците .

Повеќе од половина од испитаниците изјавиле дека немаат доверба во ниту еден лидер на политичка партија.

Партијата ВМРО-ДПМНЕ има огромна предност пред останатите партии во анкетата на Маркет Вижн.

На прашањето за која партија ќе гласате на престојните избори, дури 16,35 % од граѓаните и дале поддршка на партијата ВМРО-ДПМНЕ, 5,95 отсто од ипитаниците се убедени во победата на ДУИ, а за СДСМ се определиле 5,65 отсто.

Повеќе од 60 отсто од испитаниците изјавиле дека ќе гласаат на следните избори.