Маричиќ за Пендаровски: Најстабилен, најсероозен и има најмногу покажано на дело
„Наш фокус е да избереме претседател кој ќе не води напред, претседател кој ќе ја продолжи стабилноста на таа функција и државата, претседател кој е на вистинската страна во однос на Евроинтеграциите“, вака вечерва рече вицепремиерот Бојан Маричиќ на поставено новинарско прашање во врска со кандидатите за претседател на Македонија.
Маричиќ вели Пендаровски вели дека повторно ќе биде избран за претседател.
„Стево Пендаровски е гаранција за тоа и затоа целосно застануваме зад него и јас сум сигурен дека и други политички партии, општествени сили ќе застанат зад господинот Пендаровски, нашиот актуелен претседател и дека ќе го избереме на 24-ти и 8-ми мај“, вели Маричиќ.
Во однос на најавите од албанските политички партии дека нема формирање на Влада без уставни измени и избор на претседател во Собрание, Маричиќ вели дека веќе на еден начин е започната кампањата и од партиите следниот период може да се слушнат различни предлози.
„Во текот на кампањата ние сме подготвени да ги чуеме и образложиме тие идеи. Секако и да ги коментираме. Но, мислам дека фокус треба да биде на она што ни е задачата. Да ја стабилизираме државата, да избереме претседател и институции, а потоа може да дискутираме за се. Нашата тема за Уставни измени е одамна отворена и ние разговаравме за тоа, треба да ги слушнеме сите партии за ова. Јас затоа мислам дека нашиот фокус е кон граѓаните и сега бараме поддршка за избор на претседател за втор мандат на претседателот Пендаровски и сигурен сум дека тоа ќе го добиеме од сите досегашни кандидати е најстабилен, најсерионзен и има најмногу покажано“, додаде Маричиќ.
