Марјановиќ: Условите на Онкологија се нехумани и за пациентите и за персоналот
Иако оваа година се направени напори за воведување на осум нови лекови и подобрување на протоколите преку конзилијарни мислења, условите на Клиниката за онкологија остануваат критични. Ана Марјановиќ за 4tv.mk открива дека клиниката не е проектирана за толкав број пациенти, што резултира со огромни гужви каде пред секоја врата чекаат по 30-тина луѓе.
„Условите не се хумани ниту за пациентите, ниту за докторите и сестрите кои треба да прегледаат по 100 луѓе на ден,“ изјави таа за 4tv.mk, додавајќи дека некои ординации се сместени во простории првично наменети за архива. Во однос на терапијата, Марјановиќ за 4tv.mk појасни дека иако има напредок, недостигот на прецизен регистар го отежнува планирањето, бидејќи бројот на пациенти за одредени лекови енормно пораснал – од еден во 2023 на дури 48 пациенти во 2025 година.
