Манев за таткото на Вања: Тој воопшто не е инволвиран во случајот!
Велибор Манев, еден од осомничените за убиството на Вања и Панче, сведочеше во Кривичен суд. Тој објасни како е сторено делото, Манев кажа дека таткото на Вања Ѓорчевска воопшто не бил инволвиран во случајот, и дека тоа го кажал за да избегне тортура.
Манев одговараше на прашања на својот бранител, Горан Бошевски.
Бошевски: При распит во полиција дали ви беше сугерирано име или лице кое има врска со настанот?
Манев: „Во Велес немав никаков распит, во Скопје за да почнам да зборувам побрав адвокат, и да кажам што како е. Тие не сакаа ништо тоа да слушнат, почнаа физички да ме тепаат, газат за дапочнам да им кажувам и да им зборувам. Еден од инспекторите, ми пријде ми покажа слика од машка особа ме праша дали го познавам. Јас му реков дека ниту го имам видено, ниту го имам контактирано човекот. Тој ми рече дека е таткото на детето. Дали сум го слушнал да разговара Палчо со таткото на детето. Јас му реков дека ниту сум слушнал ниту знам, Палчо со кој разговарал ниту можам да му бидам секретарка да знам со кој прави муабет. Тука почнаа уште појака тортура, кажи па кажи дека сум видел дека Палчо разговарал со таткото. Бев упорен на тоа дека не го познавам човекот. Еден ми стоеше со нога на глава, друг клоцаа, маваа ми рекоа дека имаме листа дека се јавувал, дека Кешишев им кажал дека се јавувал, јас им реков зошто ваква тортура, ми рекоа, ти да ни кажеш. Ќе им кажам дека се слушнале само да прекинат со тортурата која ја вршат врз мене. И така го знам како петта особа која не е воопшто инволвирана во ова“.
Бошевски: Зошто не се откажа од второто грабнување после грабнувањето и убиството на Панче Жежовски?
Манев: Ми беше страв бидејќи бев под закана дека ќе ме убие мене и мојата фамилија ако не му ги завршат до крај работите.
