Малезија ги затвора своите пристаништа за израелски бродови
Малезискиот премиер Анвар Ибрахим објави забрана за прикотвување на израелски бродови во сите пристаништа на таа земја во Југоисточна Азија, јавува турската агенција „Анадолија“.
„Овие ограничувања се одговор на акциите на Израел кои ги игнорираат основните хуманитарни принципи и го кршат меѓународното право преку континуирани масакри и ѕверства врз Палестинците“, рече Анвар во изјавата.
Неопределена забрана за прикотвување на сите малезиски пристаништа ќе биде воведена за сите бродови под израелско знаме, како и за оние кои се во сопственост на израелската бродска компанија ЗИМ.
Тој рече дека во 2002 и 2005 година, владата им дозволила на компаниите регистрирани во Израел да се закотват во Малезија.
Сите такви одлуки се поништени, се додава во соопштението.
Израелските воздушни и копнени напади врз Појасот Газа по нападот на Хамас на 7 октомври ја оставија палестинската енклава во урнатини, а половина од станбениот фонд на крајбрежната територија е оштетен или уништен. Околу два милиони луѓе се раселени во густо населената енклава поради недостиг на храна и вода.
Досега во нападите се убиени најмалку 19.667 Палестинци, а 52.586 се повредени.
Се верува дека околу 1.200 Израелци биле убиени во нападот на Хамас.
BREAKING: Malaysia just banned Israeli shipping giant ZIM from entering its ports. The decision follows a mass campaign to block a ZIM ship. Malaysia also banned any ship enroute to Israel from docking in its ports or any ships flying an Israeli flag
Law is effective immediately pic.twitter.com/1ZiAmg2PFH
— ashok kumar (@broseph_stalin) December 20, 2023
Фото: Принтскрин/Твитер
