Малата Јана која почина во битолската болница – на покачен шеќер и дале инфузија гликоза
6-годишната Јана почина во болница откако на покачен шеќер 9, после приемот во Битолската болница и дале гликоза во инфузија, па шеќерот во крвта се покачил на 19 единици.
Вака за „Апла.мк“ сведочи таткото Стојче Христовски од село Кравари кои вели дека девојчето е родено здраво, без ниту една посериозна болест констатирана од лекарите досега.
Резултатите од обдукцијата се очекуваат утре, по што семејството ќе постапи понатаму за тоа дали ќе бараат одговорност за лекарска грешка.
Таткото вели дека девојчето немало ни температура, туку само била омалаксана бидејќи дома повратила.
„Пред три дена девојчето крена температура 37,7 и дадовме сируп му спадна и вечерта немаше ништо. Но исто како пред Нова година што му потекоа капаците од очите и солзење така и завчера и потекоа капаците. Вчера сабајлето ја однесовме на болница оти вечерта и се слоши и поврати шлајм. Пред да одиме на лекар ја болеа мускулите и за да не се мачи отидовме на Болница. При првиот преглед на крвта шеќерот и беше 9, и кажавме на докторката дека е дехидрирана дури и не можеа ни крв да и земат. По овој резултат докторката и даде инфузија со гликоза, а на сопругата и кажа дека шеќерот е покачен заради повраќањето. Почнаа да ни прават анализи на крвта, ни кажаа да седиме додека резултатите не бидат готови, кај 12 часот. После првата инфузија шеќерот во крвта се покачи на 19 единици. Ќе и ставаа втора инфузија но не успееја чупето почна да се губи“, сведочи таткото за „Апла.мк“.
Според неговите зборови, по оваа состојба се вклучил црвениот аларм и лекарите започнале да викаат и други лекари, а се консултирале и по телефон.
„Настанаа паники, дојде лекар од анестезиологија и малку ја повратија со инсулин. Не знам што ставија, но слушнавме дека моето дете му одговори како се вика. Им рече дека е -Јана. По кратко време лекарите си заминаа а девојче пак се изгуби. Итно ја зедоа на Интензивна, додека лекарката од Детско бараше на телефон совет како да постапува“, вели Стојче.
Инаку, малата Јана ќе биде погребана утре на селските гробишта во Кравари.
