Македонската делегација за Благодатниот оган од Божјиот гроб пристигна во Ерусалим
Делегацијата од Македонија задолжена да го донесе Благодатниот оган од Божјиот гров пристигна во Ерусалим.
Оваа година има засилени безбедносни протоколи. поради како што кажаа израелските власти да се избегнат немили настани.
Државна и црковна делегација од Република Северна Македонија, предводена од министерот за внатрешни работи Оливер Спасовски, во чиј состав се министерката за култура Бисера Костадиновска-Стојчевска, директорот на Државната комисија за односи со верските заедници и религиозни групи, Даријан Сотировски, како и шефот на делегацијата на Македонската православна црква – Митрополит тетовски-гостиварски, Јосиф Тодоровски, денеска ќе учествуваат на церемонијата „Преземање на Благодатниот оган во Ерусалим” во Базиликата на Светиот Гроб во стариот град на Ерусалим, Државата Израел.
Свечената церемонија на пристигнување на државната и црковната делегација и предавање на Благодатниот оган на аеродромот во Скопје, соопштија од владината – прес-служба, е предвидена за вечер, во 20.00 часот, со директен пренос на МРТВ.
Вообичаено, Светиот оган се „симнува“ на Светиот гроб после 15 часот.
Со државната делегација во Ерусалим патуваат и одредени новинари, за кои нејасно е во моментов по кои критериуми се избрани.
