Македонија со 19 медали од кои 6 златни на Светското првенство во латино танци

Тринаесетгодишната Нина Спасовка од танцовото студио „Денсерс јунајтед“ оствари впечатлив успех на Светското првенство во латино танци, што се одржа во Варшава, Полска, освојувајќи два златни и еден бронзен медал. Танцовото студио „Денсерс јунајтед“ се врати со вкупно 19 медали: шест златни, осум сребрени и пет бронзени.

„Македонската репрезентација составена од 22 танчари блескаше на ова првенство, претставувајќи ја нашата земја со страст, енергија, извонреден талент и танц. Посебно емотивен момент беше настапот на инклузивната група од студиото, која преку својот танц испрати силна порака за еднаквост, поддршка и моќта на уметноста да ги надмине сите бариери“, велат од танцовото студио.

Златен медал освои и младинскиот тим на „Денсерс јунајтед“, а исто така и танчарките Ангела Николиќ и Луна Дариа Кочан, заедно со инклузивното танц шоу што обедини танчари од различни возрасти.

Четири сребрени медали беа освоени од Лина Дариа Кочан, додека по еден сребрен медал освоија Евгенија Арсова, Емили Нера Кочан и тимот на „Денсерс јунајтед“. Бронзените медали ги освоија Нина Спасовска, Ангела Николиќ, Михаела Филипова, Срна Трошановска, Нина Митревски, како и тимот на студиото со латино-американска кореографија.

„Со своите енергија, искреност и храброст, нашите танчари ги освоија симпатиите на публиката и учесниците од целиот свет. Овој значаен успех е резултат на долгогодишни посветеност, истрајност и љубов кон танцот, вредности што ги споделуваат танчарите, нивните ментори и семејствата. Македонија има со што да се гордее затоа што танцот зборува гласно, а овојпат зборуваше на јазикот на победата, солидарноста и љубовта“, рече Сара Кочан, која беше