Македонија почна со подготовките за да и помогне на Турција

Министерот за надворешни работи, Бујар Османи извести дека по разговорот со турскиот хомолог, Мевлут Чавушоглу, земјата ги почна подготовките за испраќање помош во Турција.

„Земјотресот во јужниот дел на Турција претставува огромна трагедија со многу жртви, повредени и материјална штета која го отежнува справувањето со последиците. Утрово испратив пораки со сочувство до Турција и турскиот народ, преку мојот колега Мевљут Чавушоглу, во кои ја понудив и нашата помош каде што ќе биде потребна, за што веќе се прават подготовки во земјава. Со Турција имаме блиско и долгорочно партнерство кое почива на длабоката поврзаност на народите на двете земји. Нашите мисли се со нашите пријатели, браќа и сестри од Турција, и ние ќе сториме сѐ што е во наша можност за да им се најдеме на пријателите во оваа неволја„ – напишал Османи.