Македонија мора да победи во Осло ако сака сигурен пласман во квалификациите!
Ова значи дека жолто-црвените со скор 4-1 и пред последното коло сигурно ќе бидат меѓу првите две селекции кои ќе ја минат претквалификациската фаза, со оглед што Норвежаните, кај кои гостуваме в недела, сега има учинот 2-3 и немаат шанси да ни го загрозат пласманот.
Дуелот во Осло, сепак, нема да биде туристички туку избраниците на селекторот Александар Јончевски ќе атакуваат на триумф со кој ќе им го донесе првото место на табелата, кое, пак, носи одредена привилегија во ждрепката за квалификациските групи. Наш конкурент за лидерската позиција е Словачка (3-2), која со победа на гости кај Данска ќе чека наш кикс во Норвешка, кој ако се случи ќе ги искачи на првото место со оглед што имаат подобар кош-количник во меѓусебните пресметки со жолто-црвената чета.
