Македонија – четврта на листата на најсиромашни земји во Европа
Македонија се наоѓа на четвртото место меѓу најсиромашните европски држави, според најновите податоци за бруто-домашниот производ (БДП) по глава на жител. Според анализите, БДП по жител изнесува 8.751 долар, а според паритетот на куповна моќ (PPP) – 19.290 долари.
Економистите укажуваат дека земјата се соочува со повеќегодишни структурни проблеми – недостаток на природни ресурси, индустрии со висока додадена вредност и недоволно конкурентна економија. Дополнително, голем број образовани и квалификувани граѓани заминуваат во странство, најчесто поради корупцијата, нефункционалната администрација и бавната бирократија.
„Овие фактори го забавуваат економскиот раст и ја намалуваат можноста за одржлив развој,“ велат експертите.
Иако Македонија бележи повремени економски пораст, разликата во животниот стандард со европскиот просек останува значителна. Според економските проекции, без структурни реформи и инвестиции во продуктивни сектори, земјата тешко ќе може да се издвои од дното на европската економска листа.
Извор: Нова.рс
