Македонија ја одби понудената помош од Бугарија за испорака на мазут

Македонија официјално ја одби понудената помош од Бугарија за испорака на мазут, соопшти Министерството за надворешни работи.

„Утрово се одржа телефонски разговор меѓу министерот за надворешни работи и надворешна трговија Тимчо Муцунски и министерот за надворешни работи на Република Бугарија, Георг Георгиев. Министерот Муцунски изрази благодарност за понудената помош, истакнувајќи дека во моментов нема потреба од дополнителна поддршка, бидејќи состојбата е стабилна“, соопшти МНР.

Според официјални извори, земјата останува фокусирана на алтернативни и почисти извори на енергија, како и на мерки за зголемување на енергетската ефикасност.

Понудата од Бугарија доаѓа по одлуката на Владата за прогласување кризна состојба во снабдувањето со електрична енергија, која важи во рок од седум дена.