МАКЕДОНЕЦ НАСТРАДА ВО СРБИЈА: Го убил бившиот сопруг на неговата партнерка

Во Бела Црква во Србија, Србин уби Македонец кој бил во врска со неговата поранешна сопруга. 

Маж (62) од Врачев Гај е уапсен поради сомнение дека убил Македонец (61) со кого била неговата поранешна сопруга. Настанот се случил во четвртокот вечерта во близина на дворот на осомничениот (62), каде биле неговата поранешна сопруга и нејзиниот сегашен партнер, Македонец. Поранешните сопружници се скарале за поделба на заедничкиот имот. Неофицијално како што пишува Новости, Ѓ.С. го нападнал Б.П., откако тој се вмешал во расправијата на поранешните сопружници.

„Го тепаше со голи раце удирајќи му ја главата од подот, а кога пристигна брзата помош околу 22 часот можеле само да констатираат смрт“, рекол изворот.

Сите тројца со години живеат и работат во Италија. Поранешните сопружници имаат  три возрасни деца.