Мајката го штитела таткото?! Во полициски разговор рекла се повредило при детска игра, а не дека било претепано!
Две-годишно дете почина во Клиничкиот центар во Скопје, откако татко и брутално ја претепал.
„На 10.01.2024 година во 15.30 часот, на улицата „Маршал Тито“ во Кичево, полициски службеници од ОВР Кичево, од слобода го лишија Ф.Д.(30) од Кичево. Тој се сомничи дека на 18.12.2023 година во семејниот дом во Кичево и нанел тешки телесни повреди на неговата двегодишна ќерка, која била пренесена за укажување лекарска помош во Општата болница во Кичево, а потоа во Клиничкиот центар во Скопје каде, на 08.01.2024 година, починала. Во координација со јавен обвинител, против Ф.Д. ќе биде поднесена соодветна пријава“, велат од Министерството за внатрешни работи.
Сепак, кога детето било донесено во болницата во Кичево, а потоа препратено на Клинички во Скопје, мајката во полициски разговор истакнала дека детето било повредено при пад во детска игра.
„На 18.12.2023 во 23.30 часот во СВР Скопје, од Комплекс клиники „Мајка Тереза“ било пријавено дека кај нив со повреди било донесено женско дете од Кичево. Полициски службеници извршиле службен разговор со неговата мајка, која изјавила дека детето се здобило со повредите при пад при детска игра. Се преземаат мерки за расчистување на случајот“, се вели во билтенот на МВР на 19.12.2023 година.
