Мјанмар погоден од два разорни земјотреси – првиот со јачина од 7,7 степени
Утрово два разорни земјотреси го погодија Мјанмар. Првиот земјотрест бил со 7,7 степени по Рихтер, регистриран 33 километри југозападно од Мандалеј, на длабочина од 10 километри.
После 12 минути е регистриран втор потрес, 6,7 степени по Рихтер. Тој бил на длабочина од 35 километри, 45 километри југозападно од Манделеј, втор град по големина во Мјанмар.
Граѓаните кажуваат дека земјотресите траеле многу долго. Некои тврдат дека земјотресот траел дури две минути. Бил почувствуван и во Тајланд, во главниот град Банког.
