Лукашенко тврди дека Путин сакал да го „збрише“ Пригожин
Белорускиот претседател Александар Лукашенко изјави дека го „убедил“ рускиот претседател Владимир Путин да не го „збрише“ шефот на паравоената група Вагнер, Евгениј Пригожин по бунтот.
Путин првично вети дека ќе го уништи бунтот, споредувајќи го со воените превирања што доведоа до револуцијата и граѓанската војна во 1917 година, но неколку часа подоцна беше постигнат договор да им се дозволи на Пригожин и некои од неговите борци да заминат во Белорусија, пренесува Ројтерс.
Шефот на Вагнер вчера долета за Белорусија од Русија.
При опишувањето на неговиот разговор со Путин во саботата, Лукашенко го употреби рускиот сленг термин за убиство – „избриши“.
„Како што разбрав, беше донесена брутална одлука за „збришење“ на бунтовниците“, рече Лукашенко на состанокот со воени претставници и новинари, пренесуваат белоруските државни медиуми.
Тој додаде дека му предложил на рускиот претседател да „одвои време и да разговара со Пригожин“, на што Путин одговорил дека тоа е бескорисно.
„Слушај, Саша, џабе е. Не одговара, не сака да разговара со никого“, наводно му рекол Путин на Лукашенко, според неговите зборови.
Во 1999 година, Путин го употреби истиот термин за чеченските милитанти, а забелешката стана знак на неговата „тврда“ личност, според Ројтерс.
Кремљ не ги коментираше наводите на Лукашенко, кои даваат редок увид во дискусиите во Кремљ.
