ЛИСТА НА ДОЛЖНИЦИ НА УЈП: Таму се и две фирми кои се поврзуваат со Мијалков
Управата за јавни приходи(УЈП) објави листа со должници, а две фирми кои се поврзуваат со поранешниот шеф на УБК, Сашо Мијалков и натаму се во топ 10.
На листата се објавени имиња на 1.801 правно лице и 3.606 физички лица. Вкупно објавениот нето долг изнесува 9.829.008.706 милијарди денари.
На листата со месеци во десетте најголеми должници се и две фирми кои се поврзуваат со поранешниот прв човек на Управата за безбедност и контраразузнавање, Сашо Мијалков. Се работи за долгови доспеани до 30 ноември лани и неплатени до 29 февруари годинава. УЈП редовно ги објавува листите на должници на кои има голем број фирми ширум Македонија и тоа од различни сектори.
