„Лидл“ започнува со изградба на маркет во Битола
Германскиот трговски синџир “Лидл“ на 3 август започнува со градба на маркет во Битола, кој ќе се наоѓа кај кружниот тек во близина на старата млекарница, под Еврејските гробишта, објави локалниот портал Битола Њуз.
Градежниот простор е заграден и исчистен, а на поставената табла може да се прочита дека маркетот ќе се гради една година до 3 август 2024.
Изведувач на работите е “Фабрика Карпош“ АД Скопје, а проектант “Иванов Инженеринг“ од Битола.
