Левица бара платено породилно отсуство за жените кои што работат земјоделие
Земјоделките во Р. Македонија се дискриминирани во однос на останатите работнички за правото на платено породилно отсуство. Оваа нееднаква социјална политика сериозно се одразува врз репродуктивното, психолошко и физичко здравје, а за жал и врз здравјето на новороденчињата и децата. Вака ја започна денешната прес-конференција раководителката на АФЖ од Левица, Весна Кираџиева, повикувајќи ги пратениците да го изгласаат предлог-законот жените земјоделки да добијат платено породилно отсуство.
„Со предложеното законско решение кое го поднесоа пратениците на Левица, Димитар Апасиев и Борислав Крмов, ќе се заштити мајчинството како основно право на жените загарантирано со Уставот и со меѓународните акти. Жените-земјоделки ќе добиваат паричен надоместок за време на породилно отсуство кое не може да биде пониско од минималната плата. Очекуваме и ги повикуваме сите пратеници и пратенички во собранието да го изгласаат овој наш Предлог-закон во интерес на земјоделките, како една од најранливите категории.
И додека владејачката ДУИ со СДС купуваат гласови со привидни мерки и мизерни 9.000 денари месечно кои ги нудат за мајчинство на земјоделките, Левица нуди трајно законско решение со кое жените-земјоделки ќе имаат гарантирана финансиска сигурност за време на породилното отсуство“, изјави Кираџиева.
